ពិភពលោកប្រែប្រួល បច្ចេកវិទ្យាមានការវិវឌ្ឍឥតឈប់ឈរ ជីវិតមានការផ្លាស់ប្តូរ តើពេលណាទើបអ្នកធ្វើការសម្រេចចិត្តកែប្រែឆាកជីវិតដោយគ្រាន់តែប្រកាន់យករបបអាហារពេលព្រឹកសំខាន់ៗ ដើម្បីឱ្យមានសុខភាពល្អចំពោះខ្លួន? ការទទួលទានអាហារប្រចាំថ្ងៃពិតជាមានសារៈសំខាន់ណាស់សម្រាប់មនុស្សគ្រប់ៗគ្នា ដូចនេះសូមធ្វើការសម្រេចចិត្តឱ្យហ្មត់ចត់សម្រាប់ការបរិភោគ ហើយអ្វីដែលសំខាន់ទៀតនោះ គឺត្រូវដឹងថាអាហារប្រភេទអ្វី និងពេលណាដែលចាំបាច់ក្នុងការទទួលទាន។ ក្រុមគ្រូពេទ្យជំនាញៗក្នុងមហាវិទ្យាល័យល្បីនៅប៉ែកអឺរ៉ុបជាច្រើនបានលើកឡើងដូចៗគ្នាថា មនុស្សគ្រប់គ្នាត្រូវតែដឹងថាអាហារពេលព្រឹក គឺជាប្រភេទអាហារ ដែលទ្រទ្រង់រាង្គកាយសំខាន់ជាងគេបំផុតនៃជីវិតប្រចាំថ្ងៃ ហើយខាងក្រោមនេះអាហារមួយចំនួនដែលគួយល់ដឹង និងទទួលទាន។
១. ស៊ុត : ស៊ុតមានផ្ទុកសារជាតិប្រូតេអ៊ីនខ្ពស់ និងសារធាតុចិញ្ចឹមសំខាន់ៗមួយចំនួន។ វាអាចធ្វើឱ្យឆាប់ឆ្អែត និងជួយកាត់បន្ថយកាឡូរីរបស់អ្នកនៅពេលក្រោយ លើសពីនេះទៅទៀត អ្វីដែលសំខាន់នោះ គឺស៊ុតជាប្រភពដ៏ប្រសើរនៃប្រូតេអ៊ីន ដែលជួយគាំទ្រដល់ការសំយោគសាច់ដុំ។

២. ទឹកដោះគោជូរ : ការផ្សុំឡើងដោយទឹកដោះគោស្រស់ និងវត្ថុរាវផ្សេងទៀតពីទឹកដោះគោខាប់បានបង្កើតជាទឹកដោះគោជូរ ដែលជាផលិតផលក្រែមមានជាតិប្រូតេអ៊ីនច្រើនជាងទឹកដោះគោធម្មតា បន្ថែមពីនេះទៅទៀតវាមានកាឡូរីទាបជាងប្រភពប្រូតេអ៊ីនផ្សេងទៀត ហើយអ្វីដែលពិសេសជាងនេះទៀត គឺទឹកដោះគោជូរសម្បូរទៅដោយសារធាតុចិញ្ចឹមមានប្រយោជន៍ដូចជា កាល់ស្យូម វីតាមីន B12 ស័ង្កសី ប៉ូតាស្យូម និងផូស្វ័រ។ សរុបមកវិញ ទឹកដោះគោជូរមិនត្រឹមតែមានប្រូតេអ៊ីនខ្ពស់ និងកាឡូរីទាបប៉ុណ្ណោះទេ ប៉ុន្តែក៏មានផ្ទុកសារធាតុ Probiotics ខ្ពស់ផងដែរ ដែលជួយដល់សុខភាពពោះវៀនផងដែរ។

៣. កាហ្វេ : ផ្អែកទៅលើការសិក្សាភាគច្រើនបាននិយាយថា ការទទួលទានកាហ្វេជាប្រចាំត្រូវបានផ្សារភ្ជាប់ជាមួយនឹងអត្ថប្រយោជន៍សុខភាពជាច្រើនដូចជា ការថយចុះហានិភ័យនៃជំងឺបេះដូង ជំងឺទឹកនោមផ្អែមប្រភេទទី2 ភាពធាត់ ជំងឺថ្លើម ជំងឺផាកឃីនសុន និងប្រភេទជំងឺមហារីកមួយចំនួនផ្សេងទៀត ទាំងអស់នេះដោយសារតែកាហ្វេ មានសមាសធាតុមានប្រយោជន៍ផ្សេងទៀតដូចជាអាស៊ីត chlorogenic អាស៊ីត caffeic និង diterpenes ដែលមានលក្ខណៈប្រឆាំងអុកស៊ីតកម្ម និងប្រឆាំងនឹងការរលាក។

៤. គ្រាប់ធញ្ញជាតិ : គ្រាប់រុក្ខជាតិ គឺជាប្រភពដ៏ល្អនៃជាតិដែក វីតាមីនB ម៉ង់ហ្គាណែស ម៉ាញេស្យូម ស័ង្កសី និងសេលេញ៉ូ និងសម្បូរទៅដោយសារធាតុ Beta Glucan ដែលជាប្រភេទជាតិសរសៃដែលអាចបន្ថយកម្រិតកូឡេស្តេរ៉ុល និងធ្វើឱ្យយើងទទួលបានអារម្មណ៍ឆាប់ឆ្អែត។ វាក៏មានវីតាមីន និងសារធាតុរ៉ែជាច្រើនផងដែរ។

៥. ផ្លែប៊ឺរី : ផ្លែប៊ឺរីក៏ផ្តល់នូវសារធាតុប្រឆាំងអុកស៊ីតកម្មហៅថា Anthocyanins ដែលបង្ករឱ្យមានពណ៌ខៀវ ពណ៌ស្វាយ និងពណ៌ក្រហម។ របបអាហារដែលមានសារធាតុ Anthocyanins ខ្ពស់ត្រូវបានផ្សារភ្ជាប់ទៅនឹងការកាត់បន្ថយការរលាក និងកាត់បន្ថយហានិភ័យនៃជំងឺដូចជា ជំងឺបេះដូង និងប្រភេទមហារីកមួយចំនួន បន្ថែមលើសទៅទៀតសារធាតុ Anthocyanins ត្រូវបានផ្សារភ្ជាប់ជាមួយនឹងសុខភាពខួរក្បាលកាន់តែប្រសើរឡើងហើយអាចការពារប្រឆាំងនឹងការធ្លាក់ចុះផ្លូវចិត្តដែលទាក់ទងនឹងអាយុ។

៦. ឈីស Cottage : វាគឺជាអាហារពេលព្រឹកដ៏អស្ចារ្យដែលមានប្រូតេអ៊ីនខ្ពស់ ហើយធ្វើឱ្យយើងឆាប់ឆ្អែត និងកាត់បន្ថយការឃ្លានរបស់យើងប្រកបដោយប្រសិទ្ធភាពខ្ពស់។ ហើយយើងក៏អាចបរិភោគជាមួយនឹងអាហារដែលមានជីវជាតិជាច្រើនទៀតដូចជា ផ្លែប៊ឺរី ផ្លែប៉ែស ប៉េងប៉ោះ ត្រសក់ គ្រាប់ពូជ chia គ្រាប់ពូជ flax ឬ granola ថែមទាំងបន្លែជាច្រើនមុខទៀត។

៧. នំបុ័ងស្រូវសាលី : នំបុ័ងស្រូវសាលីជាប្រភេទអាហារមួយដែលផ្តល់នូវជាតិសរសៃ (Fiber) ខ្ពស់ដល់រាង្គកាយរួមផ្សំគ្នា និងកាបូអ៊ីដ្រាត។ 

៨. តែបៃតង : តែបៃតងជាភេសជ្ជៈមួយដែលជំនួយដល់រាងកាយរបស់យើង។ លើសពីនេះទៅទៀត តែបៃតងក៏ផ្តល់នូវសារធាតុប្រឆាំងអុកស៊ីតកម្ម Epigallocatechin Gallate ( EGCG ) ដែលជាសារធាតុកាត់បន្ថយនូវហានិភ័យនៃជំងឺរុំារ៉ៃ ជំងឺទឹកនោមផ្អែមប្រភេទទី២ និងជំនួយដល់សុខភាពខួរក្បាលអោយកាន់តែប្រសើរ ព្រោះវាមាន L-theanine ដែលជាសមាសធាតុជំរុញឱ្យមានភាពស្ងប់ស្ងាត់ដែលមានប្រសិទ្ធិភាព និងអាចកាត់បន្ថយ “ការកន្ត្រាក់” ដែលទាក់ទងនឹងការទទួលទានជាតិកាហ្វេអ៊ីន។ 

៩. ផ្លែឈើ : វាផ្ទុកនូវជាតិកាឡូរីទាប បរិមាណខ្ពស់នៃជាតិសរសៃ Fiber និងជាតិស្ករតិច។ បន្ថែមលើនេះវាក៏ផ្តល់នូវវីតាមីន ជាតិប៉ូតាស្យូម និងសារធាតុជំនួយដល់រាងកាយជាច្រើនទៀតទៅតាមប្រភេទផ្លែឈើ
ដែលអ្នកបរិភោគ។